Lurraldebus

Zer da Lurraldebus?

Gipuzkoako Foru Aldundiaren eskumeneko errepideko herri arteko garraio publikoaren irudi bateratua da, eta hainbat eragilek eskaintzen dute.

Nola jarri harremanetan Lurraldebusekin?

Telefonoz : 900 300 340 Ordutegia: 8:00etatik 20:00etara, astelehenetik igandera

Emailez: lurraldebus@lurraldebus.eus

Twitter: @lurraldebus

Facebook: lurraldebus

Postaz: Mugikortasuneko eta Lurralde Antolaketako Departamentua. Julio Caro Baroja Plaza, 2-4º. 20018 Donostia.

Lineen eta ordutegien informazioa kontsultatu dezakezu web orri honetan edo 900 300 340 Lurraldebusen bezeroaren arreta zerbitzuaren telefonoan.

Mugi eta Lurraldebus txartelekin lotutako kontsultak:

Telefonoz: 943 00 01 17.

Faxez: 943 000 116.

Emailez: info@mugi.eus.

Zuzeneko arreta: Easo kalea 74. 20006. Donostia.

Zer da Mugi sistema?

2013ko martxoaren 4tik aurrera bateratu zen gaur egun indarrean dagoen tarifa-sistema, eta erabilgarri jarri sistemari atxikitako Gipuzkoako garraiobide publiko guztietan.

Gaur egun sistemak euskarri bakarra du: Mugi/Lurraldebus txartela.

Mugi/Lurraldebus txartela erabilgarri dago: Lurraldebus zerbitzuetan; hiri-autobusetan: Donostian, Irunen, Errenterian, Eibarren, Zarautzen, Arrasaten, Hernanin, Lasarte-Orian, Oiartzunen, Oñatin eta Tolosan; trenbideetan: Eusko Trenen eta Renferen Gipuzkoako zerbitzuetan; Gipuzkoatik kanpo Bat/Barik sistemen tarifekin: Bilboko eta Gasteizko tranbietan, Bilboko Metroan, Gasteizko hiri-autobusean, Arabako herri-arteko autobus zerbitzuetan (AlavaBus), eta Larreineta-Trapagaran funikularrean.

Zeintzuk dira Mugi sistemaren txartel motak?

Arrunta: txartel pertsonalizatua da, eta jabearen bidaiak soilik ordaintzeko balio du.

Taldekoena: txartel pertsonalizatua da, eta jabea talde jakin baten kide dela ziurtatzen du. Jabearen bidaiak soilik ordaintzeko balio du, eta kargatzerakoan dagokion hobaria gehitzen zaio.

Anonimoa: titularrik gabeko txartela da, eta hainbat pertsonen bidaiak ordaintzeko balio du. (Lurraldebus zerbitzuetan, gehienez 9 bidaiarirena. Eragiketa hori ez da automatikoa eta gidariak bakarrik egin dezake). MUGI sistemako lehenengo 20 bidaiaren deskontua eskaintzen du (% 45). Lehen aldiz kargatzen denetik 3 hilabeteko epea du, baina kargatzen den bakoitzean epea luzatzen da.

Txartel bat baino gehiagoren jabe izan al naiteke?

Txartel pertsonalizatu bakar baten jabe izan daiteke, berdin da Lurraldebus zein Mugi izan.

Zein da Mugi sistemaren sustatzailea?

Gipuzkoako Tarifak Bateratzeko prozesua Gipuzkoako Garraio Agintaritzak (www.atgipuzkoa.eus) sustatu eta zuzentzen du

Non lortuko dut Mugi txartelari buruzko informazioa?

www.mugi.eus web orrian eta 943 00 01 17 telefono zenbakian.

Etxeko animaliekin bidaiatu dezaket autobusean?

Baimendutako etxeko animaliak onartuko dira, bakar-bakarrik, autobusen ezaugarriek hala ahalbidetzen dutenean, eta bustita edo araldian ez badaude.

Pertsona bakoitzeko animalia bat bakarrik onartuko da, eta ibilgailuan gehienez ere bi animalia eraman ahal izango dira aldi berean.

Ibilgailuaren barruan sartzeko baimendutako etxeko animaliak honakoak dira: espezie eta ezaugarri guztietako txakurrak eta katuak, arriskutsuak izan daitezkeen animaliak izan ezik.

Edozein lineatan bidaiatu dezaket animaliekin?

Animaliek ezin izango dute inolaz ere gaueko zerbitzuetan bidaiatu.

Nola bidaiatu behar du animaliak?

Animaliak, ahal dela, kaiola edo homologatuta dagoen ontzi itxi batean eraman beharko dira, zaintzailearen ondoko eserlekurik okupatu gabe.

Maletategia duten ibilgailuetan, animaliak derrigorrez garraiatu beharko dira bertan, kaiola edo homologatuta dagoen eta gorotza gorde eta ateratzea ahalbidetzen duen gailua duen ontzi itxi baten barruan.

Ontzietan garraiatzen ez diren zakurrek nola bidaiatuko dute?

Ibilgailuaren plataforman bidaiatu ahal izango dute, betiere uhal batez lotuta eta muturrekoa jarrita, une oro zaintzailearekin ukipen fisikoa mantenduta.

Baimendutako albaitari batek emandako osasun-txartela eta erantzukizun zibileko aseguru bat eraman behar dira, eta indarrean dagoen legerian aurreikusitako higiene- eta osasun-egoeran zein segurtasun-baldintzetan egon behar dira.

Gidariak animaliaren osasun-txartela eskatu ahal izango du.

Ohiko galderak