Ekainak 15. Lurraldebusen ohiko zerbitzuak berreskuratuko dira

Ekainaren 15etik aurrera, Lurraldebusek bere ohiko zerbitzuak berreskuratuko ditu eguneko lineetan. Gaueko lineak eta Bilboko aireportura iristen diren DO50B Donostia>(Zarautz)>Aeropuerto Bilbao eta DG56B Arrasate>Aeropuerto Bilbao lineak, bertan behera mantenduko dira abisu berri arte.

Ospitaletako lineetan,  osasun-langileen ordutegiak bermatzen dituzten zerbitzuak eskaintzen jarraituko da larunbat, igande eta jaiegunetan.

Lurraldebusen bidaiatzeko maskara erabiltzea nahitaezkoa da. Bidaiarien ardura da beste bidaiariekiko ahalik eta distantzia handiena mantentzea.

Une bakoitzean indarrean dauden ordutegiak ezagutzeko, Lurraldebusen aplikazio mugikorra erabiltzea gomendatzen da.

Informazio gehiago, astelehenetik igandera, 8:00etatik 20:00etara, 900 300 340 doako telefono zenbakian.