Lurraldebuseko autobus guztiek dute erabiltzaileak bere Lurraldebus/Mugi txartela gerturatuz bidaia ordaindu ahal izateko makina, bai autobusera igotzean eta bai jaistean; distantzia motzeko eta hiri barruko zerbitzuetarako da erabilera hau.

Gehigarri moduan, Debagoiena eskualdeko distantzia ertaineko DG01, DG02, DG05, DG05A, DG05D y DG07 lineetan, txartelak Donostiako, Bilboko eta Vitoria-Gasteizko autobus geltokietan eta Zarauzko geltokian dauden salmenta makinetan eros daitezke (bidaiaren abiapuntu eta helmugaren arabera, makina batzuetan edo besteetan erosi ahal izango da).

Distantzia luzeko lineetan (DO01, DO02, DO03, DO04, DG12) beharrezkoa izango da txartela aurrez erostea. Txartelak jarlekuaren erreserba ziurtatzen du. Donostiako, Bilboko eta Gasteizko autobus geltokietan dauden makina eta leihatiletan, Zarauzko geltokian eta Bilboko aireportuan (bidaiaren abiapuntu eta helmugaren arabera) dauden salmenta makinetan eta Pesa (orain Avanza Movilidad Guipuzcoa) enpresaren webguneetan internet bidez eros daitezke.

Linea jakin batzuetan (DO01, DO02, DO04, DG07) Zarauzko geltokia eskaripekoa denez, txartela zerbitzua Donostiatik irten baino gutxienez 30 minutu lehenago erosi beharko da. Zarauztik bidaiatzeko txartelik salduko ez balitz, Donostiatik irtendako autobusa ez da herri horretan sartuko.

Txartelen autosalmentako makinak kreditu txartel, zordunketa txartel eta Lurraldebus/Mugi txartel bidezko ordainketak onartzen ditu.

Web orrialde bidezko erosketen kasuan, erabiltzaileak txartela etxean, autobus geltokietako Pesa enpresaren leihatilen ondoan dauden QR kode irakurleetan edota autosalmentako makinetan inprimatu dezake.

Telefono mugikorra QR kodearekin irakurlera gerturatu hutsarekin, makinaren gaineko aldean dagoena, zure txartela inprimaturik jasoko duzu makinaren aurreko aldean.